క‌న్ను తెరిస్తే జ‌న‌నం. క‌న్ను మూస్తే మ‌ర‌ణం` అన్నాడో క‌వి. ఇప్పుడు `క‌న్ను తెరిస్తే కిడ్నాప్. క‌న్ను మూస్తే అత్యాచారం.`అని మార్చుకోవాలేమో. దేశంలో ప్ర‌తి రోజూ ఏదో ఒక మూల‌న ఒక ప‌సికూన‌పైనో, ఒక కిశోర బాలిక‌పైనో, ఒక మ‌హిళపైనో, చివ‌రాఖ‌రుకు ఒక వృద్ధురాలిపైనో అత్యాచారం జ‌రుగుతూనే ఉండి ఉండ‌వ‌చ్చు. ఇవి నోటికి వ‌చ్చిన‌ట్లు చెబుతున్న మాట‌లు కావు. జాతీయ నేర ప‌రిశోధ‌క విభాగం విడుద‌ల చేసిన గ‌ణాంకాలు. చేదు వాస్త‌వాలు. అస‌లు అత్యాచార వార్త‌లేని ప‌త్రిక ఏ రోజూ వెలువ‌డటంలేదు. నేరవార్త స్క్రోల్ కాని టీవీ లేదు.  అత్యాచారాలు, హ‌త్య‌లు, దోపిడీలు త‌దిత‌ర మ‌రెన్నో నేరాల‌లో రికార్డు సాధ‌న‌కు చేరువ‌లో ఉంది. వ‌జ్రోత్స‌వ వేడుకలు ఆనందోత్సాహాల‌తో జ‌రుపుకున్న‌ప్ప‌టికీ ప్ర‌తి ఒక్క‌రి మ‌దిలో ఎక్క‌డో ఓ మూల‌న ఆందోళ‌న కొట్టొచ్చినట్లుగా క‌న‌బ‌డుతూనే ఉంది.

 

రోజుకు 91 మాన‌భంగాలు :

అవును. మీరు చ‌దివిన‌ది అక్ష‌రాలా నిజం. 2018 సంవ‌త్స‌రంలో దేశ‌వ్యాప్తంగా రోజుకు 91 అత్యాచారాలు, 80 హ‌త్య‌లు, 289 కిడ్నాప్ లు జ‌రిగాయి. అంతేకాదు. ఇదే సంవ‌త్స‌రంలో 50.74 ల‌క్ష‌ల నేరాలు జ‌రిగిన‌ట్లు నేష‌న‌ల్ క్రైమ్ రికార్డు బ్యూరో(జాతీయ నేర ప‌రిశోధ‌న విభాగం) గ‌ణాంకాలు చెబుతున్నాయి. 2017తో పోల్చితే 2018లో నేరాల శాతం మ‌రింత పెరిగింద‌ని బ్యూరో వెల్ల‌డించింది. 2017తో పోల్చితే 2018లో నేరాల నిష్ప‌త్తి 1.8శాతం పెరిగింది.

 

 సంరక్షణ కేంద్రాల్లోనూ మాన భంగాలే:

మ‌హిళ‌లు, బాలిక‌ల సంర‌క్ష‌ణ కేంద్రాల్లో ర‌క్ష‌కులే భ‌క్ష‌కులు అన్న చందంగా మ‌హిళ‌లు, బాలిక‌ల‌పై లైంగిక వేధింపులు జ‌రుగుతుండ‌టం ఆందోళ‌న‌కు గురి చేస్తున్న అంశం. బ్యూరో విడుద‌ల చేసిన నివేదిక‌లో పేర్కొన్న వివ‌రాల ప్ర‌కారం 2018 సంవ‌త్స‌రంలో సంర‌క్ష‌ణ కేంద్రాల్లో 30శాతం వేధింపులు మ‌హిళ‌లు, బాలిక‌ల‌పై జ‌రిగాయి. చాలావ‌ర‌కు కేసుల‌ను సెంట్ర‌ల్ బ్యూరో ఆఫ్ ఇన్వెస్టిగేష‌న్ (సీబీఐ) విచార‌ణ చేస్తున్న‌ట్లుగా చెప్పుకొచ్చింది. ముఖ్యంగా ముజ‌ఫ‌ర్ పూర్ సంర‌క్ష‌ణ కేంద్రంలో బాలిక‌ల‌పై జ‌రిగిన లైంగిక వేధింపుల‌ను నేష‌న‌ల్ క్రైమ్ రికార్డ్స్ బ్యూరో ప్ర‌స్తావించింది.

 

 భయపెడతున్న డిల్లీ:

దేశ రాజ‌ధాని ఢిల్లీ మ‌హిళ‌ల‌కు ఎంత‌మాత్ర‌మూ సుర‌క్షిత‌మైన ప్రాంతం కాదన్న‌ట్లుగా భ‌య‌భ్రాంతుల‌కు గురిచేస్తోంది. 2018లో న‌మోదైన కేసులు గ‌మ‌నిస్తే దోపిడీలు అత్య‌ధికంగా న‌మోదైన‌ప్ప‌టికీ అత్యాచారాల భ‌యం అక్క‌డి పౌరుల‌ను వెంటాడుతూనే ఉంది. నేర ప‌రిశోధ‌క విభాగం ప్ర‌క‌టించిన వివ‌రాలను ప‌రిశీలిస్తే ఎక్కువ‌గా దోపిడీ, దొంగ‌త‌నాల కేసులే 80శాతంగా 2018 సంవ‌త్స‌రంలో న‌మోద‌య్యాయి.  జ‌న‌వ‌రి 2018 నుంచి డిసెంబ‌ర్ 2018 వ‌ర‌కు ఢిల్లీలో 2,49,000 కేసులు న‌మోద‌వ‌గా, 2009లో దోపిడీల శాతం 40 ఉంటే అది కాస్తా 2018 నాటికి రెట్టింపై 80శాతానికి చేర‌డం ఆందోళ‌న‌కు గురి చేసే అంశం.

 

తెలుగు రాష్ట్రాల్లో:

తెలంగాణ‌, ఆంధ్ర‌ప్ర‌దేశ్ రాష్ట్రాల్లోనూ వ‌రుస అత్యాచార ఘ‌ట‌న‌లు తీవ్ర ఆందోళ‌న‌కు గురి చేస్తున్నాయి. సామూహిక అత్యాచారాలు స‌మ‌స్య తీవ్ర‌త‌ను మ‌రింత‌గా పెంచుతూ ఆడ‌వారి భ‌ద్ర‌త‌పై ప్ర‌భుత్వాల‌కు స‌వాల్ చేస్తున్నాయి.  ఒక విషాదాన్ని మ‌రువ‌క‌ముందే మ‌రో విషాదం సంభ‌విస్తూ త‌ల్లిదండ్రుల కంటికి కునుకు ప‌ట్ట‌నీయ‌డంలేదు. గ‌డిచిన రెండు మాసాల్లోనే  తెలంగాణలో వరుస అత్యాచార ఘటనలు ఆందోళన కలిగిస్తున్నాయి.  మైన‌ర్ల‌పైనా గ్యాంగ్ రేపులు జ‌రుగుతుండ‌టం మ‌రింత విషాదానికి గురి చేస్తున్నాయి.

 

సికింద్రాబాద్‌ కార్ఖానాలో బాలికపై ఐదుగురు రేప్‌ చేయడం సంచలనంగా మారింది. ఐదుగుర్లో ముగ్గరు మైనర్లే అని తేల్చారు పోలీసులు. ఇన్‌స్టాగ్రామ్‌లో బాలికతో పరిచయం చేసుకున్న ధీరజ్, రితేష్‌ లు.. ఆమెను ఓరోజు హాటల్‌కు పిలిపించుకుని గ్యాంగ్ రేప్ చేశారు. అక్కడితో ఆగకుండా దాన్ని వీడియో తీసి బాలికను బెదిరించడం మొదలుపెట్టారు. 2నెలలుగా బాలికను బెదిరిస్తూ రేప్‌ చేస్తూనే ఉన్నారు. ఇక వీడియోలు అప్పగిస్తామని మళ్లీ హోటల్‌కు పిలిపించి మరో ముగ్గురు స్నేహితులతో కలిసి అఘాయిత్యానికి పాల్పడ్డారు. కూతురి పరిస్థితి తెలుసుకున్న తల్లిందడ్రులు డాక్టర్ దగ్గరికి తీసుకెళ్లడంతో విషయం బయటపడింది.  ఈ ఏడాది మే మాసంలో పోలీసులకు ఫిర్యాదు చేశారు. దీంతో నిందితులు ఐదుగుర్ని అరెస్ట్ చేసిన పోలీసులు.. వారిపై పోక్సో చట్టం కింద కేసు నమోదు చేశారు.

 

ఇక మరో ఘటనలో అనాథ మైనర్‌పై అత్యాచారం జరిగింది. నిత్యం రద్దీగా ఉండే నెక్లెస్‌ రోడ్డులోనే ఈ దుర్ఘటన జరగడం ఆందోళన కలిగిస్తోంది. ప్రేమపేరుతో నమ్మించిన ఓ యువకుడు బాలికపై అఘాయిత్యానికి ఒడిగట్టాడు. బాధితురాలు నింబోలి అడ్డా అనాథాశ్రమంలో ఉంటోంది. ఇంటర్ చదువుతున్న బాలికకు.. దగ్గర్లోనే జిరాక్స్ షాప్‌లో పనిచేస్తున్న నిందితుడు సురేష్‌తో పరిచయం ఏర్పడింది. ఆమెకు ఫోన్‌ కొనిచ్చిన సురేష్‌.. తరచూ కాల్‌ మాట్లాడేవాడు. ఏప్రిల్‌ 20న తాను ఫ్రెండ్స్‌ బర్త్‌డేకు నెక్లెస్‌ రోడ్‌కు వెళ్తున్నట్లు బాలిక సురేష్‌తో చెప్పింది. తాను వస్తానని చెప్పి అక్కడికి వెళ్లిన సురేష్‌.. అందరూ బిజీగా ఉన్న సమయంలో బాలికను మాట్లాడుకుందామని చెప్పి పక్కకు తీసుకెళ్లాడు. కారులోకి ఎక్కించి అత్యాచారం చేశాడు. విషయం ఇటీవలే అనాథశ్రమం నిర్వాహకులకు తెలియడంతో పోలీసులకు ఫిర్యాదు చేశారు. దీంతో సురేష్‌ను అదుపులోకి తీసుకుని పోక్సో చట్టం కింద కేసు నమోదు చేశారు.

 

ఇక మరో ఘటనలో అనాథ మైనర్‌పై అత్యాచారం జరిగింది. నిత్యం రద్దీగా ఉండే నెక్లెస్‌ రోడ్డులోనే ఈ దుర్ఘటన జరగడం ఆందోళన కలిగిస్తోంది. ప్రేమపేరుతో నమ్మించిన ఓ యువకుడు బాలికపై అఘాయిత్యానికి ఒడిగట్టాడు. బాధితురాలు నింబోలి అడ్డా అనాథాశ్రమంలో ఉంటోంది. ఇంటర్ చదువుతున్న బాలికకు.. దగ్గర్లోనే జిరాక్స్ షాప్‌లో పనిచేస్తున్న నిందితుడు సురేష్‌తో పరిచయం ఏర్పడింది. ఆమెకు ఫోన్‌ కొనిచ్చిన సురేష్‌.. తరచూ కాల్‌ మాట్లాడేవాడు. ఏప్రిల్‌ 20న తాను ఫ్రెండ్స్‌ బర్త్‌డేకు నెక్లెస్‌ రోడ్‌కు వెళ్తున్నట్లు బాలిక సురేష్‌తో చెప్పింది. తాను వస్తానని చెప్పి అక్కడికి వెళ్లిన సురేష్‌.. అందరూ బిజీగా ఉన్న సమయంలో బాలికను మాట్లాడుకుందామని చెప్పి పక్కకు తీసుకెళ్లాడు. కారులోకి ఎక్కించి అత్యాచారం చేశాడు. విషయం ఇటీవలే అనాథశ్రమం నిర్వాహకులకు తెలియడంతో పోలీసులకు ఫిర్యాదు చేశారు. దీంతో సురేష్‌ను అదుపులోకి తీసుకుని పోక్సో చట్టం కింద కేసు నమోదు చేశారు.

 

ఈఏడాది ఏప్రిల్‌ నెలలో మాత్రం కేవలం 15రోజుల వ్యవధిలోనే ఉమ్మడి గుంటూరు జిల్లాలో మూడు, ఎన్టీఆర్ జిల్లా పరిధిలో ఒక కేసు నమోదు కాగా ఏప్రిల్ నెల మొత్తంలో ఐదు కేసులు నమోదయినట్టు రికార్డులు చెబుతున్నాయి. దాంతో గతంతో పోలిస్తే ఈ సారి అత్యాచార సంబంధిత నేరాలు పెరుగుతున్నట్టు స్పష్టమవుతోంది.  2019 నుంచి మూడేళ్లలో పాత గుంటూరు, విజయవాడ, కృష్ణా జిల్లా పోలీసు స్టేషన్‌ల పరిధిలో సామూహిక అత్యాచారాల కేసుల వివరాలు పరిశీలిస్తే ఈ కేసులు పెరుగుతున్నట్లు స్పష్టం అవుతోంది. 2019లో కరోనావైరస్ వ్యాప్తి కారణంగా సంపూర్ణ లాక్‌డౌన్ అమలుచేశారు. 2020లోనూ లాక్‌డౌన్‌ అమలు చేశారు.

 

2020, 21 సంవత్సరాల్లో ఏప్రిల్ మాసంలో గ్యాంగ్ రేప్‌లకు సంబంధించి రెండు చొప్పున కేసులు ఈ జిల్లాల పరిధిలో నమోదయ్యాయి. 2019 ఏప్రిల్‌లో మూడు కేసులు నమోదయ్యాయి. ఈఏడాది ఏప్రిల్‌ నెలలో మాత్రం కేవలం 15రోజుల వ్యవధిలోనే ఉమ్మడి గుంటూరు జిల్లాలో మూడు, ఎన్టీఆర్ జిల్లా పరిధిలో ఒక కేసు నమోదు కాగా ఏప్రిల్ నెల మొత్తంలో ఐదు కేసులు నమోదయినట్టు రికార్డులు చెబుతున్నాయి. దాంతో గతంతో పోలిస్తే ఈ సారి అత్యాచార సంబంధిత నేరాలు పెరుగుతున్నట్టు స్పష్టమవుతోంది. ఎన్సీఆర్బీ నివేదిక ప్రకారం ఏపీలో 2019లో 1084 అత్యాచార కేసులు నమోదయ్యాయి. 1104 మంది బాధిత మహిళలపై జరిగిన లైంగిక దాడుల్లో ఈ కేసులు నమోదయ్యాయి.  2020కి వచ్చేసరికి ఈ కేసులు 1090కి పెరిగాయి. బాధిత మహిళలు 1107 మంది ఉన్నారు. 2021లో కూడా ఏపీలో అత్యాచార కేసులు పెరిగాయి. వాటి సంఖ్య 1100 దాటినట్టు రాష్ట్ర పోలీస్ అధికారుల నివేదికలు చెబుతున్నాయి.

 

సంచార‌మున్న ప్రాంతాల్లోనూ…:

జనాలు పెద్దగా లేని చోట, ఎవరూ గుర్తించరని భావించిన చోట ఎక్కువగా ఈ తరహా నేరాలకు ఆస్కారం గ‌తంలో ఉండేది. కానీ ప్రస్తుతం అందుకు భిన్నంగా నిత్యం అనేకమంది రాకపోకలు సాగించే ప్రాంతాల్లో మహిళలపై సామూహిక అత్యాచారాలు జరుగుతున్నాయని బిబిసి ఒక క‌థ‌నంలో పేర్కొంది.  మ‌హిళ‌ల‌పై జ‌రుగుతున్న అత్యాచారాల‌పై అఖిల‌ భారత ప్రజాతంత్ర మహిళా సంఘం రాష్ట్ర కార్యదర్శి డి రమాదేవి మాట్లాడుతూ.. "మహిళల రక్షణ కోసం ప్రభుత్వం చేసిన ప్రయత్నాలు అక్కరకు రావడం లేదు. రాష్ట్రంలో అన్ని మూలలా నిత్యం దారుణాలు జరుగుతున్నాయి. దిశ చట్టం పేరుతో చాలా ప్రచారం నిర్వహించారు. చివరకు దిశ యాప్‌కే పరిమితమయ్యారు. కానీ అవి సామాన్య, వలస కూలీ మహిళలను ఎలా కాపాడుతాయి. ఇంతగా పెచ్చరిల్లుతున్న వారిని అదుపు చేయడంలో పోలీస్ యంత్రాంగం విఫలమయింది. మహిళల భద్రతకు భరోసా లేకుండా పోయింది"అని ఆమె అభిప్రాయపడ్డారు. వాస్తవానికి మహిళలపై నేరాలే అదుపు చేసేందుకంటూ జగన్ ప్రభుత్వం 2019 డిసెంబర్‌లో కొత్త చట్టం తీసుకొచ్చింది. హైదరాబాద్‌లో దిశ ఘటన తర్వాత ఏపీ అసెంబ్లీలో ప్రభుత్వం చట్ట సవరణ చేసి 'దిశ చట్టం' తీసుకొచ్చింది.

 

రాజ‌కీయ జోక్యం ఉండ‌క‌పోతేనే… :

"గ్యాంగ్ రేప్ ఘటనలపై రాజకీయాలు అత్యంత విషాదకరం. వారి తీరుతో చివరకు బాధితుల వ్యవహారాలు కూడా బయటపడుతున్నాయి. నిబంధనల ప్రకారం అత్యాచారానికి గురయిన వారి సమాచారం బయటకు రాకూడదు. కానీ పరామర్శల సమయంలో రాజకీయాల మూలంగా బాధితుల సంబంధీకుల గుట్టురట్టవుతోంది. సహజంగా నిందితులకు ఫలానా పార్టీ అంటూ ఉండదు. అయినా నాయకుల విమర్శలు, ప్రతివిమర్శలు అభ్యంతరకరంగా ఉన్నాయి. అరాచకాలకు పాల్పడుతున్న వారిని అదుపు చేసేందుకు ప్రభుత్వం బాధ్యతగా వ్యవహరించాలి. అందుకు భిన్నంగా విపక్షాల మీద విమర్శలకు ప్రయత్నించడమే విడ్డూరంగా ఉందంటూ"అని సామాజికవేత్త పీ ఏ దేవి వ్యాఖ్యానించారు. అరాచకాలు ప్రబలకుండా, పోలీసు యంత్రాంగాన్ని అప్రమత్తం చేయాల్సిన ప్రభుత్వం నుంచి స్పందన అత్యంత పేలవంగా ఉందని ఆమె అభిప్రాయపడ్డారు. ఇలాంటి దారుణాలు వెలుగులోకి రాగానే తగిన రీతిలో స్పందన కనిపించలేదని బీబీసీతో అన్నారు.

 

ఎక్క‌డ అన్యాయం జ‌రిగినా న్యాయ‌స్థానాల్లో క‌చ్చితంగా న్యాయం జ‌రుగుతుంద‌న్న న‌మ్మ‌కం బాధితుల‌కు ఉంటుంది. కొన్ని కొన్ని చోట్ల ఆ ఆశ‌లూ నీరుగారే సంఘ‌ట‌న‌లు విస్తుపోయేలా చేస్తున్నాయి. ఇటీవ‌లే ఓ అత్యాచార నిందితుడికి బెయిలు మంజూరు చేసే స‌మ‌యంలో.. ‘బాధితురాలు చెప్పేది న‌మ్మ‌శ‌క్యంగాలేద‌’ని క‌ర్ణాట‌క హైకోర్టు న్యాయ‌మూర్తి జ‌స్టిస్ కృష్ణ దీక్షిత్ వ్యాఖ్యానించ‌డం ప‌ట్ల మిగ‌తా న్యాయ‌వాదులు విస్మ‌యం చెందారు. ‘ఆఫీస్‌కు రాత్రి 11 గంట‌ల‌కు వెళ్లాల్సిన అవ‌స‌రం ఏమొచ్చింది? అత‌డితో క‌లిసి డ్రింక్స్ తాగ‌డానికి ఎందుకు అభ్యంత‌రం చెప్ప‌లేదు? తెల్లవారే వ‌ర‌కు త‌న‌తో క‌లిసి అత‌డు ఉండేందుకు ఆమె ఎందుకు అనుమ‌తించింది?’ లాంటి ప్ర‌శ్న‌ల‌ను బాధితురాలిపై సంధించారు.

ఘ‌ట‌న జ‌రిగిన త‌ర్వాత ఆమె అల‌సిపోయి, నిద్ర‌లోకి జారుకున్నాన‌ని చెప్ప‌డం.. భార‌త మ‌హిళ వ్య‌వ‌హ‌రించిన తీరులాలేద‌ని చెబుతూ.. ‘అత్యాచారం అయిన త‌ర్వాత మ‌న మహిళ‌లు ఇలా స్పందించ‌ర‌’ని న్యాయ‌మూర్తి వ్యాఖ్యానించిన‌ట్లు ఎన్నో క‌థ‌నాలు ప్ర‌సార‌మాధ్య‌మాల‌లో హ‌ల్ చ‌ల్ చేసాయి.

 

ఒక సినిమాలో చెప్పిన‌ట్లు... ఒక‌వైపు మ‌ర్డ‌ర్లు, మ‌రోవైపు మాన‌భంగాలు. అప్పుడేదో స‌ర‌దాకోసం తీసుకున్న మాట‌లు కాస్తా ఇప్పుడు నిజ‌మైపోయి దేశం ఇప్పుడు నిజంగానే క్లిష్ట‌ప‌రిస్థితుల్లో ఉంది.  ఒక సినిమాలో నూత‌న్ ప్ర‌సాద్ చెప్పే డైలాగ్ ఒక‌టి న‌వ్వులు పూయిస్తుంది. `ఒక‌వైపు మ‌ర్డ‌ర్లు, మ‌రోవైపు మాన‌భంగాలు.`  అప్పుడేదో స‌ర‌దాకోసం తీసుకున్న మాట‌లు కాస్తా ఇప్పుడు నిజ‌మైపోయి దేశం నిజంగానే క్లిష్ట‌ప‌రిస్థితుల్లో ఉంది. నిర్భ‌య చ‌ట్టం, దిశ చ‌ట్టం అంటూ ఎన్ని చ‌ట్టాలు తీసుకువ‌చ్చినా నేర‌స్తుల్లో ఆశించిన మార్పు క‌నిపించ‌డంలేదు. బాధితుల సంఖ్య నానాటికీ పెరిగిపోతోంది. ఇందుకు అన్ని వ‌ర్గాల నుంచి అభిప్రాయ సేక‌ర‌ణ జ‌రిపి ప‌టిష్ట‌మైన ప‌రిష్కార మార్గాన్ని రూపొందించాల్సిన బాధ్య‌త ప్ర‌భుత్వాల‌పై ఉంది.